Эстер өз еңбегінде Димаштың музыкасы қалайша жүрегін жаулап алғанын баяндайды
Әншінің Швейцариядан келген жанкүйері қазақ тілінде “Димаш Құдайберген және Қазақстан: менің өмірімді қалай өзгертті?” атты кітап жазды, деп хабарлайды Qaz365.kz.
Димаш Құдайбергеннің шығармашылығымен танысқаннан кейін өмірі түбегейлі өзгерген швейцариялық Эстер Ульман қазақ тілінде арнайы кітап жазды.
Эстер өз еңбегінде Димаштың музыкасы қалайша жүрегін жаулап алғанын және осы жолда кездескен қызықты оқиғаларды баяндайды.
"Бұл кітапты артыма мұра ретінде қалдыру мақсатында жаздым. Қазақ халқының бай мәдениеті, салт-дәстүрлері мен ұлттық құндылықтары мені еріксіз таңғалдырды. Көңілімдегі ой тізбегін, жүрегімнің сырын және өмірлік тәжірибемді осы кітап арқылы оқырманмен бөліскім келді”, – дейді Эстер Ульманн.
Жобаның авторы Төлеу Әділеттің айтуынша, бұл кітап — түрлі ұлт өкілдерінің жүрегіне жол табатын, жүздеген халықты бір арнаға тоғыстыратын таңғажайып туынды.
Кітаптың тұсаукесеріне Димаштың жанкүйерлері де жиналды. Олар Қазақстанның түкпір-түкпірінен ғана емес, әлемнің әр қиырынан келіп отыр. Бұл ортақ махаббат – Димаштың әндері арқылы байланысқан адамдардың ерекше кездесуі.
Барлық жанкүйерлер 26 мамыр күні сағат 18:00-де өтетін Димаш Құдайбергеннің фан-встречасына жиналады. Бұл кездесуде олар сүйікті әншісімен жүздесуге мүмкіндік алады.
