Нұртазаның айтуынша, бейнеролик 24 мамыр күні салтанатты жиыннан кейін түсірілген.
Қазақстанның халық әртісі, әлемге танымал әнші Димаш Құдайберген Тау ішінде» атты жаңа бейнебаянына челлендж жариялаған болатын. 26 мамырда өткен Алматыдағы фан-кездесуде осы челлендждің жеңімпазы анықталды, деп хабарлайды Qaz365.kz.
Әнші видеоның ұзақтығы 30 секундқа дейін болуы керектігін және TikTok немесе Instagram платформаларында жариялау қажет екенін айтқан. Осы талаптарға сай әрі ең көп қаралым жинаған Астана қаласындағы №58 мектеп-гимназиясының директоры Ақмоншақ Нұртазаның түсірген видеосы болды. Соңғы уақытта «Баламен бір толқындағы директор» атанған Ақмоншақтың видеосы екі күннің ішінде 3 миллионнан астам қаралым жинаған.
Нұртазаның айтуынша, бейнеролик 24 мамыр күні салтанатты жиыннан кейін түсірілген.
Ол 15 жылдан бері осы мектепте жұмыс істейтінін айтып, бұл істі өзінің өмірлік миссиясы деп санайтынын жеткізді. Мектеп директоры түлектерге өздеріне сенуге, жүрек қалауымен мамандық таңдаудан қорықпауға және ҰБТ — өмірдің соңы емес екенін естен шығармауға кеңес берді.
Енді директор Димаштың Барселона, Берлин, Лондон немесе Ригада өтетін концерттерінің біріне бара алады. Ұшу және тұру шығындары толық қамтылады.
