Көпшілік әншінің әрекетін сынап жатыр
Танымал әнші, «МузАрт» тобының солисі Сәкен Майғазиев ұлының үйлену тойын онлайн көруге тіркелу басталғанын мәлімдеді, деп хабарлайды Qaz365.kz.
Бұл туралы өнер иесі өзінің әлеуметтік желідегі парақшасында жазды.
Әділет пен Әдияның тойына онлайн қонақ болу үшін тіркелу басталды, - делінген Instagram-дағы жазбада.
Дегенмен тіркелгісі келген оқырман қауым оның ақылы екенін түсінген. Тойдың онлайн трансляциясын көру құны әр адамға 1380 теңгеден екен.
Желідегілер әншінің бұл әрекетін сынап жатыр.
«Масқара, Сәкен Майғазиев бұлай жасайды деп ойламаппын», «сендер арқылы ақша таппақшы, шығынды жабу керек», «сорлылар-ау», «сөз жоқ», «ойбай, тоймай жатыр ғой, жеке бас қуаныштарын да жарнамалап сату керек», - деген пікірлер жазды көпшілік.
Айта кетсек, жақында әншінің ұлы Әділет Әдия есімді бойжеткенмен шаңырақ көтеріп, Майғазиевтер әулетінде беташар өтті.
