Бұл жаңалықты әншінің қарындасы Фариза Төреәлі өзінің әлеуметтік желідегі парақшасында бөлісті.
Танымал қазақстандық әнші Төреғали Төреәлі отбасымен бірге Алматыдан Астана қаласына көшіп кетті, деп хабарлайды Qaz365.kz.
Бұл жаңалықты әншінің қарындасы Фариза Төреәлі өзінің әлеуметтік желідегі парақшасында бөлісті. Ол отбасымен бір қалада тұратынына қуанышын білдіріп:
Ағам мен жеңгем Астанаға көшті. Аллаға шүкір! Астана ұнап жатыр, орнығып үйренісіп жатыр. Енді бір қалада бәріміз, – деп жазды қарындасы.
Желіде жарияланған видеолардан Төреғали Төреәлінің кенже қарындасы Дина Төреәлінің де Астанада серуендеп жүргенін байқауға болады.
Әншінің жанкүйерлері жаңа қонысына сәттілік тілеп, жылы лебіздерін жаудырып жатыр.
Айта кетейік, Төреғали Төреәлі бұған дейін өнерден кететінін айтып, жанкүйерлерін бір алаңдатып қойған болатын.
