Актриса ешқандай мемлекеттік атақ алмаған.
Танымал продюсер Баян Алагөзова мен актриса Дариға Бадықова бірге түсірілім алаңында әзіл-шыны аралас бейнеролик жазып, оны әлеуметтік желіде жариялады, деп хабарлайды Qaz365.kz.
Видеода Баян Алагөзова әріптесінен:
«Халықтың актрисасы Дариға Бадықова, сенде атақ бар ма?» – деп сұрайды.
Актриса қысқа ғана «жоқ» деп жауап бергенде, продюсер таңданысын жасыра алмай:
Әлі жоқ па? Ұят қой! Саған атақ берілуі керек! Сен нағыз халық әртісі болуға лайықсың! – деп пікір білдіреді.
Айта кетейік, қазіргі таңда Баян Алагөзова жаңа фильм түсіруде, ал сол туындыда Дариға Бадықова басты рөлдердің бірін сомдап жатыр. Актрисаның айтуынша, ол өзін жоғалтқан, ішкі күйзелістен арылуға тырысқан Сандуғаш есімді кейіпкерді бейнелейді.
