Балаева Лара Фабиан мен Шакираның концертіне барғысы келетінін айтқан болатын.
2025 жылдың айтулы мәдени оқиғаларының бірі – Астанадағы Дженнифер Лопестің концерті болды. Енді ұйымдастырушылар Қазақстанға тағы бір шетелдік жұлдызды әкелмекші, деп хабарлайды Qaz356.kz.
Қазақстандық Камиль Байрамовтың Instagram желісіндегі парақшасында Дженнифер Лопестің Астанадағы концертін ұйымдастырған қазақстандық продюсер Малик Хасеновпен сұқбат жарияланды.
Әңгімелесу барысында Байрамов желі қолданушыларының өтінішін – тағы бір әлемдік супержұлдыз Шакираның елге концерттік сапары болса деген тілегін жеткізді.
«Мен сіздерге құпияның шетін ашайын. Біз онымен келіссөз жүргізіп жатырмыз, құдай қаласа, күзде аяқтаймыз», - деді Хасенов.
Еске салсақ, биыл сәуірде Мәдениет министрі Аида Балаева Лара Фабиан мен Шакираның концертіне барғысы келетінін айтқан болатын.
