Ол жүктілігі туралы жаңалықты неліктен ұзақ жасырғанын да түсіндірді.
Әнші Абай Бегейдің қызы Сымбат өзінің алғашқы жүктілігі қалай өтіп жатқанын оқырмандарымен бөлісті, деп жазады Qaz365.kz.
Оның сөзіне қарағанда, алғашқы айлары оңай болмаған:
9-аптадан 16-аптаға дейін қатты токсикоз болды. Сол кезде арықтап, 4 келі салмақ тастадым. Күнімнің жартысы сабақта өтетін, дәретхана мен кабинет арасында ғана жүретінмін. Иммунитетім де әлсіреп кетті. Бірақ қазір өзімді жақсы сезінемін. Ешқандай жайсыздық жоқ, витаминдерімді уақытылы ішіп жүрмін. Соңғы апталарда ғана салмақ қоса бастадым. Жалпы жүктілігім жеңіл өтіп жатыр – ән айтып, би билеп, таза ауада серуендеп жүрмін, – деді Сымбат.
Сондай-ақ ол жүктілігін ұзақ уақыт жасырғаны үшін сын айтқандарға жауап берді:
Жүктілігімді 7-айына дейін құпия ұстадым. Басында баламды босанғаннан кейін ғана бөлісемін деп ойладым. Бірақ гендер-пати видеосы тарап кеткен соң, оқырмандарыммен ашық бөлісуге тура келді. Оның үстіне, сіздер менің екінші отбасым секілдісіздер. Шынайы өмірімді жасырмай айтқаным дұрыс емес пе? – деді ол.
