Әншінің айтуынша, екінші ұлы Исламның күтушісінің туған күні болған.
Қазақстандық әнші Ерке Есмахан балаларын қарасып жүрген күтушілерге жасаған тосынсыйын көрсетті, деп хабарлайды Qaz365.kz.
Әншінің айтуынша, екінші ұлы Исламның күтушісінің туған күні болыпты. Алайда Ерке жұбайымен бірге тек бір күтушіні емес, екі көмекшісін де қуантуды жөн көрген. Өйткені екінші күтуші кішкентай Батырға қарайды.
Өнер иесі жас қыздар үшін қазір сәндік бұйымдардан гөрі қолайлы әрі қажетті сыйлық маңызды екенін түсінген. Сол себепті олар гүл шоқтарын ғана емес, соңғы үлгідегі жаңа смартфондарды да тарту етті.
Сыйлықтарды көргенде екеуі де көзіне жас алды. Екеуін де жақсы көремін. Олар мейірімді, адал әрі ешқандай еркелікке бой алдырмаған қыздар, – деп жазды Ерке.
