Ол оқырмандарына арнап ерекше тосынсый жариялағанын айтты
Танымал әнші Ерке Есмахан күйеуі Райммен бірге туған күнін қарсы алып, жеке парақшасында оқырмандарына арнап ерекше тосынсый жариялады. Әнші бүгін, 30 қарашада 41 жасқа толып отыр, деп хабарлайды Qaz365.kz.
Көп оқырманы бар әнші туған күнін отбасы ортасында, күйеуі Райм және ұлдарымен бірге атап өткенін жазды. Бұл бақытты сәтті оқырмандарымен бөлісе отырып, 100 мың теңге көлемінде ақшалай сыйлық тарататынын мәлімдеді.
«Туған күнім келіп жетті! Дәл қазір тортпен шай ішіп отырмыз күйеуім екеуіміз. Ұлдарым пысылдап қасымызда ұйықтап жатыр. Шүкір! Туған күніме орай парақшамдағы осы рилсқа лайк басып, құттықтау коммент жазғандарға 100 мың теңге шашу шашамын. Мейірімді болып отырмын торт жегесін», – деп жазды Ерке Есмахан.
Әншінің бұл жомарт бастамасы оқырмандар арасында жылы қабылданды. Желі қолданушылары Ерке Есмаханның жаңа жасына арнап көптеген ізгі тілек пен құттықтау пікірлерін қалдырып жатыр.
