Бұған дейін оның қамауға алынғаны туралы ақпарат тараған еді
Үстінен қылмыстық іс қозғалған Мұқасан Шахзадаев тағы бір концертте ән айтып жүр, деп хабарлайды Qaz365.kz.
«Күлкістан», «Тамаша» әзіл-сықақ театрының актері Дархан Пірназардың “Сахнада 25 жыл” атты мерекелік концертінде әнші, «Нұр-Мұқасан» тобының экс-солисі Мұқасан Шахзадаев та өнер көрсетті.
Өнерпаздың сахнада ән айтып тұрған видеосын танымал адвокат Эльнура Кишкенебаева instagram stories-де бөлісті.
Айта кетейік, бұған дейін Мұқасан Шахзадаевқа қатысты адам ұрып-соғу дерегі бойынша қылмыстық іс қозғалып, оның қамауға алынғаны туралы ақпарат тараған еді.
