×

Қайрат Нұртасқа қатысты сот шешімі шықты

Бұған дейін Атырау қаласындағы мейрамхана иесі белгілі әншіні сотқа берген болатын

Қайрат Нұртасқа қатысты сот шешімі шықты
Фото: instagram.com/kair_n

Астана қалалық сотының Азаматтық алқасы кәсіпкердің талап арызы бойынша Қайрат Нұртасқа және оның продюсеріне қатысты келісімді жарамсыз деп тану туралы істі қарады, деп хабарлайды Qaz365.kz.

Бұған дейін Атырау қаласындағы мейрамхана иесі белгілі әншіні сотқа берген болатын.

Әнші жаңа жылдық корпоратив кешінде өнер көрсетуі тиіс болатын. Алайда, ұйымдастырушылар әншінің шамамен 15 млн теңге болатын шығынын жаба алмайтындықтан концертті өткізбеу туралы шешім қабылдап, бұл жөнінде оған  42 күн бұрын ескерткен.

«2023 жылғы қарашада тараптар әншінің Атырау қаласында жаңа жылдық корпоративте өнер көрсетуі туралы өзара ауызша келісімге келіп, талапкер 1000 доллар көлемінде алдын ала төлем жіберген. 2023 жылғы 30 қарашада Instagram әлеуметтік желісі арқылы әншінің Атырау қаласында өнер көрсететіні тапсырыс берушіге белгілі болды. Іс-шаралар уақыттары жақын екендігін ескере отырып, талапкер әртістің өнер көрсетуін қажетсіз деп санады», - деп жазылған сот мәліметінде.

Бірінші сатыдағы сот тараптар арасында шарт болмауына байланысты талап арызды қанағаттандырудан бас тартты. Тараптардың құқықтары мен міндеттерін көздейтін мән-жайлар анықталмады. Алайда талапкер міндеттемелерді орындаудан бас тарту оның бастамасымен болғанын жоққа шығармады.

Азаматтық кодекстің 153-бабына негізделетін соттың талаптарына сәйкес, мәмiленiң жай жазбаша нысанын сақтамау дау болған жағдайда тараптарды мәмiле жасалғанын, мазмұнын немесе орындалғанын куәгерлiк айғақтармен растау құқығынан айырады.

Астана қалалық соты Азаматтық алқасының қаулысымен бірінші сатыдағы соттың талап қоюдан бас тарту туралы шешімі өзгеріссіз қалдырылды.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Аватар автора
Qaz365.kz редакциясы

 Редактор

Бөлім жаңалықтары

Тағы оқыңыз
«Масқара болдық»: Танымал әнші әйелін ұрып-соқпағанын айтып, коучтарды кінәлады
18.06.2024ж. 10:39

«Масқара болдық»: Танымал әнші әйелін ұрып-соқпағанын айтып, коучтарды кінәлады

Блогер әйел әлеуметтік желідегі парақшасында әншінің ұрған сәтінен видео жариялаған еді
Оған дәрігерлер әлі нақты диагноз қоймаған
Ол ғашығымен түскен видеосын әлеуметтік желідегі парақшасында жариялады

Соңғы жаңалықтар

Барлық жаңалық →