Биыл облыста алимент төлемегендердің борышы 2,4 млрд теңгеге жеткен
Батыс Қазақстан облысында 1,1 миллион теңге алимент төлемеген борышкер қамауға алынды, деп хабарлайды Qaz365.kz. Бұл туралы Батыс Қазақстан облысы прокуратурасы мәлімдеді.
Сот Батыс Қазақстан облысы Бәйтерек ауданында алимент төлемеген тұрғын ер адамды бес күнге қамауға алынды. Оның балаларына төлемеген алименті 1,1 млн теңгеге жеткен.
“Өңірде прокуратура осындай борышкерлердің қарызын пәтер, жер телімі, тұрғын үйдегі үлестерін сату арқылы 75,5 млн теңге алиментті өндіріп алған.Алимент төлемегендердің арасында бар ақшасын құмар ойынға салып, бәс тіккен 7 адам анықталды”, – делінген өңірлік прокуратура мәлімдемесінде.
Биыл облыста алимент борышы 2,4 млрд теңгеге жеткен. Қазір ол қарыз 1,4 миллиард теңгеге азайды.
