Қазіргі уақытта сараптама нәтижелері күтілуде
Алматы облысының прокуратурасы Шерзат Болатты өлтіру фактісі бойынша сотқа дейінгі тергеудің аяқталуға жақын екенін айтты,деп хабарлайды Qaz365.kz.
Қазіргі уақытта сараптама нәтижелері күтілуде. Сараптама қорытындысынан кейін іс процестің қатысушыларына танысу үшін беріледі. Сонымен қатар, Қаржаубай Нұрымовтың үйін өртеу және Н. Гаипбаевтың өз-өзіне қол жұмсауы бойынша қылмыстық істердің тергелуі Бас прокуратураның бақылауында екенін хабарлаймыз7 Қоғамды жалған ақпарат таратудан бас тартуға шақырамыз. Уәкілетті органдардың тек ресми мәлімдемелеріне сенім білдіруді сұраймыз, – делінген хабарламада.
Алматы облысының прокуратурасы азаматтарды жалған ақпарат таратпауға, уәкілетті органдардың ресми мәлімдемесіне ғана сенуге шақырды.
Шерзаттың отбасы мен адвокаттары төбелес кезінде оқиға орнында болған екі әйелді де күдікті ретінде тануды талап еткен. Алайда тергеудегі олардың статусы куәгер болып қалғаны айқындалды.
