Пара алуға қалалық емханалардың бірінде жұмыс істейтін медбике көмектескен
Шымкентте шенеунік мүгедек балалардың ата-анасынан пара алған, деп хабарлайды Qaz365.kz.
Сыбайлас жемқорлыққа қарсы іс-қимыл агенттігінің Шымкент қаласы бойынша департаменті Мемлекеттік еңбек инспекциясы комитетінің қалалық департаментінің бөлім басшысының міндетін атқарушы азаматқа қатысты сотқа дейінгі тергеп-тексеруді аяқтады.
“Ол мүмкіндігі шектеулі балалардың ата-аналарынан мүгедектік топтарын белгілеу үшін жалпы сомасы 850 мың теңге пара алды деп айыпталып отыр. Пара ретінде берілген ақша қаражаты қалалық емханалардың бірінде жұмыс істейтін медбикенің көмегі арқылы алынған”, – делінген агенттіктің хабарламасында.
Қазір қала прокуратурасы тарапынан айыпталушылар үстінен сотқа арыз жолданған.
