Оларға Маңғыстау облыстық ауруханасында тиісті медициналық көмек көрсетілді.
қтау маңындағы ұшақ апатынан зардап шеккен қырғызстандық үш азамат еліне жол тартты, деп хабарлайды Qaz365.kz.
Маңғыстау облысы әкімі баспасөз қызметінің мәліметінше, бүгін, 29 желтоқсан күні Ақтау маңындағы ұшақ апатынан зардап шеккен қырғызстандық үш азамат –Тилек Осмонов, Ерлан Джунушуалиев және күні кеше жансақтау бөлімінен шыққан Ринат Асанов Ақтауға келген жақын туыстарымен бірге өз елдеріне жол тартты.
Оларға Маңғыстау облыстық ауруханасында тиісті медициналық көмек көрсетілді. Бүгінде үш азаматтың да жағдайы тұрақты. Зардап шеккендерді әуежайдан шығарып салуға Маңғыстау облысы әкімінің орынбасары Аббат Өрісбаев қатысты.
Қазіргі уақытта Маңғыстау облыстық көпбейінді ауруханасының жансақтау бөлімінде ұшақ апатынан зардап шеккен үш әзербайжандық азамат ем қабылдап жатыр.
Айта кетейік, апат себебін анықтау мақсатында Ақтауда Үкіметтік комиссия жұмысын жалғастырып жатыр.
Еске сала кетсек, 25 желтоқсан күні болған әуе апатынан 29 адам аман қалды. Оларға мемлекет басшысының тапсырмасымен елордадан келген білікті мамандар сапалы медициналық көмек көрсетті. Медициналық көмек алған Әзербайжанның 14 азаматы еліне оралды.
