Нәтижесінде қалалық емханалардың 9 басшысы тәртіптік жауаптылыққа тартылған
Онкологиялық дертпен ауыратын науқастар Алматыда дәрігерлердің кесірінен мүгедектігі бойынша жәрдемақыдан қағылған, деп хабарлайды Qaz365.kz.
Бұл туралы Алматы қаласы прокуратурасы мәлімдеді.
“Қала прокуратурасы мүгедектігін анықтау үшін онкологиялық ауыратын науқастарды, олардың ағзасында функцияларының тұрақты түрде бұзылғаны бола тұра, оларды медициналық ұйымдарға жібермеу тәжірибесінің жолын кесті. Онкологиялық ауыратын науқастар мүгедектікті рәсімдеу және кепілдендірілген әлеуметтік жәрдемақы алу мүмкіндігінен айырылған. Қадағалау актісі бойынша қалалық емханалардың 9 басшысы тәртіптік жауаптылыққа тартылды, 8 пациентке І-топ мүгедектігі берілді”, – делінген Прокуратура хабарламасында.
