Қазақстанның Сыртқы істер министрлігі Таиландта жарылған катердің жолаушылары арасында 4 отандасымыз болғанын мәлім етті, деп хабарлайды Qaz365.kz.
Катердегі жолаушылардың арасында Қазақстанның 4 азаматы болды. Олардың барлығы дін-аман, Таиландта демалыстарын жалғастыру туралы шешім қабылдады. Екі азаматтың паспорттары өртеніп кетті. Ертең консул оларға уақытша құжаттарды ресімдеп, сонымен Қазақстанға орала алады, - делінген хабарламада.
Айта кетейік, Таиландта Қазақстанның туристері мінген қайық жарылып, түгі қалмай жанып кеткен еді.
Өрт тұтанған кезде катерде үш адам – капитан мен екі экипаж мүшесі болған. Кейбір туристер бұл сәтте теңізде жүзіп жүрген. Bangkok post мәліметінше, катерде Қазақстан мен Ресейден келген туристер болған. Жалпы катер бортында 31 адам болған.
