Бұл туралы вице-премьер Серік Жұманғарин хабарлады
2025 жылғы Астана халықаралық форумы демеушілер есебінен өткізілетін болды, деп хабарлайды Qaz365.kz.
Астана халықаралық форумы биыл тек демеушілердің қаражаты есебінен ұйымдастырылады. Бұл туралы ҚР Мәжілісінің пленарлық отырысынан кейінгі брифингте Премьер-Министрдің орынбасары Серік Жұманғарин мәлімдеді.
“Форумды ұйымдастыруға қатысты барлық шығындар демеушілік жарналар арқылы жабылады және оған мемлекеттік бюджеттен қаражат бөлінбейді”, – деді вице-премьер Серік Жұманғарин.
Оның айтуынша, бұған дейін форумды өткізу үшін мемлекеттік бюджеттен қаражат бөлініп келген, алайда биыл бұл қаулының күші жойылған.
