Мердігер ол үшін 72 млн теңге мемлекет қаржысын конкурстан жеңіп алған
БҚО-да мектеп асханасындағы ас мәзірі талапқа сай келмейтіні анықталды, деп хабарлайды Qaz365.kz.
Бұл туралы Батыс Қазақстан облыстық прокуратурасы мәлімдеді.
“Батыс Қазақстан облысында прокуратура мектеп асханасында ас мәзірі санитарлық-эпидемиологиялық талаптарға сай келмейтінін анықтады. Атап айтқанда, Сырым ауданындағы білім ұяларында оқушыларға берілетін тамақ көлемі жетіспеген. Аудандық білім бөлімі 72 млн теңгеге 9 конкурс жариялаған. Кәсіпкерлер 1-4 сыныпта оқитын 1 250 баланы ас-ауқатпен қамту керек болған. Алайда қолданыстағы ереже талаптары өрескел бұзылған”, – делінген прокуратура хабарламасында.
