Видеода дүкендегі жағдай көрсетілген.
Шерзат Болаттың өліміне қатысты сот отырысында оқиға басталған жер – «Қамажай» дүкеніндегі бейнебақылау жазбалары көрсетілді, деп хабарлайды qaz365.kz.
Көрсетілген видеода оқиға 00:33 шамасында тіркелген. Сол уақытта марқұм Шерзаттың ағасы Нұрғанат Ғайыпбаев дүкенге келгені байқалады. Ал дүкен сыртында тұрған Дархан Әскентай өзінің танысы Нұрболға қоңырау шалып, оны алып кетуін өтінеді. Сағат 00:42-де Нұрбол Тоқтаубаев дүкенге келеді.
Осы сәттерге қатысты сот отырысында қорғаушы тарап судьяға арнайы ескерту жасады:
Құрметті сот, Қаржаубай Нұрымовтың қолындағы затқа назар аударуларыңызды сұраймыз, – деді қорғаушы.
Жәбірленуші тараптың адвокаттары Қаржаубай Нұрымовтың қолында пышақ болғанын өзі де жоққа шығармағанын атап өтті. Ал куәгер Дархан Әскентай сотта берген жауабында Нұрымовтың пышақты көрсетіп, оны сермегенін нақты айтты.
