Оған арнайы қабылданған құжат себеп.
Дүниежүзілік денсаулық сақтау ұйымының Бас директоры Тедрос Аданом Гебрейесус Женевада өткен 78-сессияда темекі шегуге қарсы күрес нәтижелерін жария етті, деп хабарлайды qaz365.kz.
Оның айтуынша, соңғы жиырма жыл ішінде әлемде темекі тұтыну деңгейі шамамен үштен бірге қысқарған. Бұл жетістік ДДҰ-ның 20 жыл бұрын қабылдаған Темекіге қарсы күрес жөніндегі негіздемелік конвенциясының арқасында мүмкін болды.
Бұл құжаттың қабылданғанына биыл 20 жыл толып отыр. Осы уақыт ішінде жаһандық деңгейде темекі шегу айтарлықтай азайды, — деді Тедрос Аданом Гебрейесус.
Соған қарамастан, ДДҰ басшысы темекінің әлі де адам денсаулығына төнетін басты қауіптердің бірі екенін атап өтті. Оның мәліметінше, темекі шегетін адамдардың жартысы осы зиянды әдет салдарынан көз жұмады.
Әлемде жыл сайын темекі тартудың кесірінен 8 миллионнан астам адам қайтыс болады. Оның ішінде 1,2 миллионы — темекіні пассивті түрде шегетіндер.
