Ұйымдастырушылар 100 тегін билет беретінін айтқан.
Алматыда жаңа ашылған аквапаркке арналған жарнамалық акция төтенше жағдайға ұласа жаздады, деп хабарлайды Qaz365.kz.
Сауда орталығында өткен шара аясында алғашқы 100 келушіге аквапаркке тегін билет уәде етілген, бұл жаңалықты естіген халық сауда орталығына лап қойды.
Әлеуметтік желілерде тараған видеодан адамдардың сауда орталығының есігі ашыла салысымен жаппай жүгіріп кіргенін, бір-бірін итеріп, басып-озуға тырысқанын байқауға болады.
Пікір білдірушілер бұл әрекетке қатысты сыни пікірлер жазып жатыр:
«Сонда бір билет үшін адамгершіліктен айырыламыз ба?»
«Есік ашылғанда эвакуация басталғандай көрінді!»
«Мұндай әрекетке қарап ұялып отырмын...»
Акцияны ұйымдастырушылар бұл жайтқа байланысты әзірге ресми түсініктеме берген жоқ.
