Бұған дейін биыл пайдалануға берілетіні туралы айтылған.
Ақордада өткен кулуарлық кездесуде премьер-министрінің бірінші орынбасары Роман Скляр Астанадағы жеңіл рельсті көлік (LRT) жүйесін сынақтық режимде іске қосу 2025 жылдың соңына жоспарланып отырғанын мәлімдеді, деп хабарлайды Qaz365.kz.
Бұған дейін жоба биыл пайдалануға беріледі деп күтілген.
Сынақтық режимдегі іске қосу келесі жылдың соңына белгіленді, – деп нақтылады Скляр.
Сонымен қатар ол жолаушылар тасымалы да 2025 жылы басталады деп мәлімдеді.
Айта кетейік, бұған дейін «CTS» ЖШС басқарма төрағасы Асылбек Дүйсебаев пойыздарды жолаушыларсыз сынақтан өткізу осы жылдың қыркүйегіне жоспарланғанын хабарлаған еді.
