Оқиғаға байланысты жедел штаб құрылған.
Астана әкімі Жеңіс Қасымбек «Семь бочек» тұрғын үй кешеніндегі өрттің мән-жайын айтып берді, деп хабарлайды Qaz365.kz.
Қала басшысының сөзінше, ТЖД және ПД бірлесіп жедел штаб құрған.
ТЖД мен ПД қызметкерлерінің үйлесімді іс-әрекеттерінің арқасында өрт жылдам сөндірілді. Қаза тапқандар мен зардап шеккендер жоқ, - деп жазды әкім.
Қасымбек сонымен қатар тұрғындар уақытша қонақ үйге орналастырылатынын алға тартты.
Астана қаласының әкімдігі қажет болған жағдайда тұрғындарды қала қонақүйлеріне уақытша орналастыруды ұйымдастырады. Сонымен қатар, жан-жақты көмек көрсетіледі. Сондай-ақ зақымданған қасбет пен басқа да шығындарды қалпына келтіру жұмыстары жедел түрде басталады, - деді ол.
Айта кетейік, жалпы алаңы 250 шаршы метр болатын 6-16-қабаттың сыртқы жабынының және 14-қабаттың балконының оқшаулау бөлігі жанып кетті.
Құтқарушылардың айтуынша, үйдің 100-ге жуық тұрғыны өз бетімен далаға шыққан. Ал төтенше жағдайлар департаменті тарапынан 15 адам эвакуацияланған.
