Енді тәртіп бұзғандарға айыппұл салынады.
Қазақстанда көпқабатты тұрғын үйлер үшін жаңа ережелер енгізілуіне байланысты Ақтау қаласының полициясы тұрғындардан тәртіпті қатаң сақтауды сұрап, бақылаудың күшейген, деп хабарлайды Qaz365.kz.
Полиция департаменті жаңа талаптар көршілердің тыныштығы мен жеке кеңістігіне құрметтеуге бағытталғанын атап өтті. Ал тәртіп бұзған жағдайда әкімшілік жаза қарастырылған.
Тұрғын үй кешендерінде мынадай әрекеттер үшін айыппұл салынады:
Кіреберісте темекі шегу – 58 000 теңге көлемінде айыппұл;
Қоқысты арнайы контейнерден тыс жерге тастау – 78 000 теңге;
Вандализм (қабырғаларды бояу, граффити, заттарды бүлдіру) – 197 600 теңге немесе 20 тәулікке дейін әкімшілік қамауға алу;
Түнгі тыныштықты бұзу (сағат 22:00–09:00 аралығы):
– Жеке тұлғалар үшін – 19 660 теңге;
– Кәсіпкерлер үшін – 78 000 теңгеге дейін;
Кіреберіске бөгет жасайтын заттарды қою (велосипед, арба, жәшік және т.б.) – тыйым салынған.
Жаңа талаптар тұрғын үй мәдениетін арттырып, көршілер арасындағы өзара сыйластықты қалыптастыруға бағытталған, – делінген полиция мәліметінде.
