"Дабыл! Бейнеу халқының мазасы кетті" – Дәулет Мұқаев

Парламент Мәжілісінің депутаты Дәулет Мұқаев өзінің инстаграм парақшасында Маңғыстау облысы Бейнеу ауданының тұрғындарының жан айқайымен бөлісті, деп хабарлайды Qaz365.kz.

“Дабыл! Маңғыстау облысы,Бейнеу халқының мазасы кетті. Себебі соңғы күндері көшелерді, ғимараттарды осындай қоңыздар басты. Әрі күн өткен сайын көбеюде. Ал жергілікті билікте әзірге үн де, әрекет те жоқ. Мәселені шұғыл қолға алмаса, жағдай ушығайын деп тұр”, – деді Дәулет Мұқаев жазбасында.

Ашулы тұрғындар да пікір жазып, жәндіктердің шамадан тыс көбейгеніне наразылықтарын білдіріп жатыр.

• “Үйде каптады. Мүмкін емес. Улап та жатырмыз, кетпейді. Жанбырдай жауып тұр далада. Енді масқара болып қашуымыз қалды, үйімізді тастап”.
• Бір аптадан асты дәл осылай көше толған қоңыз. Скоро, басқа қалаларға жетеді-ау… даже, күннен-күнге көбейіп жатыр. Тіпті, ешкім саусағын қозғалтар емес. Халық әр түрлі химикатты өздері шашып жүр, дегенмен оған өлетін қоңыз жоқ…” – дейді ашулы тұрғындар.