Марқұм Шерзат Болатты өлтірді деп басты сотталушы Абзал Шынасылдың анасы Ақбота Есбергенова «Ел дауысы» бағдарламасына берген сұхбатында қазіргі жағдайы туралы айтты, деп хабарлайды Qaz365.kz.
Жағдайымыз өте қиын. Балама көп жыл берді, мен оған келіспеймін. Өз істеген айыбын мойындады, сол ісімен жазаланды. Енді менің жағдайым да жоқ, 60 млн теңге сұрап отыр. Абзал «өз істегенімді сотта айттым» деді. Өте өкінішті. 60 млн төлей алмаймыз, үйім де жоқ, жағдайым да жоқ. Осы соттың өзінде қиналып кеттік. Жұмыссыз қалдық, - дейді Ақбота Есбергенова.
Сотталушының анасы екі ай Талдықорғандағы сотқа шапқылап та, біраз қаржылық қиындыққа тап болғанын айтып отыр. Ол баласының кінәсі бар екенін, бірақ 23 жыл тым көп жаза деп санайды. 15 жыл айтса да жетер еді деп санайды.
Айта кетейік, Шерзат Болат ісі бойынша жуырда сот үкімі жарияланып, сотталушылар арасында басты күдікті болып саналған Абзал Шынасыл 23 жылға сотталды.
