Оған дәрігерлер жеке оңалту бағдарламасын әзірлеп жатыр.
Астанада жол апаты кезінде аяқтарынан айырылған қыз ауруханадан шығарылды. Бұл туралы денсаулық сақтау вице-министрі Тимур Мұратов хабарлады, деп жазды Qaz365.kz.
Бала бүгін стационардан шығарылды. Медициналық көмек толық көлемде көрсетілді. Өкінішке қарай, аяқтарын ампутациялауға тура келді. Бұл – өмірін сақтау үшін жасалған шара, – деді Тимур Мұратов.
Оның айтуынша, қыз бала Ақмола облысының Егіндікөл ауданында, яғни тіркелген жерінде оңалту курсынан өтеді. Қазіргі таңда емханасы оның жеке оңалту бағдарламасын әзірлеумен айналысуда.
Еске салайық, Астанада жолаушылар автобусы апатқа ұшырады. Автобус жүргізушісі рөлге ие бола алмай, жол жиегіндегі бағанаға соғылған.
