Елімізде 3,2 трлн теңгеге ескі үйлерді сүру жұмыстары жүргізілмек
Күзде Парламентке апатты үйлерді сүру және олардың орнына жаңа тұрғын үйлер салу рәсімін жеңілдететін заң жобасы енгізіледі, деп хабарлайды Qaz365.kz.
Бұл туралы «Қазақстан тұрғын үй компаниясының» басшысы Алтай Күздібаев мәлімдеді.
Жаңа заңда келесілер нақты көрсетіледі:
Үйді сүру және тұрғындарды көшіру механизмдері;
Құрылыс кезінде уақытша баспана жалдауға қатысты құрылыс салушының міндеттемелері.
Елімізде жалпы ауданы 10,5 млн м² болатын 3,3 мың көппәтерлі тозығы жеткен үй бар. Оларды жаңғыртуға қажетті инвестиция 3,2 трлн теңге көлемінде бағаланып отыр.
«Құрылыс компаниясы қосымша қабаттар салып, сол пәтерлерді сата алады. Бұл барлық тарапқа – тұрғындарға, әкімдіктерге және бизнеске тиімді», – деді Құсдібаев.
2029 жылға дейін 1 500 үйді сүру және 40 мың отбасыны көшіру жоспарланып отыр.
