Астанада LRT-ны тестілік іске қосуға бір айдан аз уақыт қалды.
Астана әкімі Жеңіс Қасымбек LRT жобасының іске қосылу мерзімін және жолақысының алдын ала бағасын жариялады, деп хабарлайды Qaz365.kz.
Қала тұрғындарымен кездесу барысында әкімнен жеңіл рельсті көліктің тестілік іске қосылу мерзімі кейінге шегерілді ме деген сұрақ қойылды.
Ештеңе өзгерген жоқ. Қыркүйек айында алғашқы құрамдарды тестілік режимде іске қосуды жоспарлап отырмыз. Тестілеу қорытындысы бойынша оның толыққанды пайдалануға қашан берілетіні белгілі болады. Әдетте тестілік кезең үш айдан алты айға дейін созылады, – деді Қасымбек.
Оның айтуынша, жолақы шамамен 200 теңге болуы мүмкін, бірақ нақты тариф кейінірек жарияланады.
Жоба бойынша жолақы 200 теңгеге дейін деп қарастырылған. Нақты бағасы осы жылдың соңына дейін анықталады, – деп түсіндірді әкім.
Астанада LRT-ны тестілік іске қосуға бір айдан аз уақыт қалды.
