Тоқаев импортқа тәуелділікті азайтуды тапсырды
Президент Қасым-Жомарт Тоқаев Қазақстандағы азық-түлік нарығында импорттың үлесі тым жоғары екенін сынға алып, оны «ұят жағдай» деп бағалады, деп жазады Qaz365.kz.
Президенттің сөзінше, үкіметтің негізгі мақсаты – ішкі нарықты қазақстандық өнімдермен қамтамасыз ету және отандық тауарлардың экспортын ілгерілету.
«100% өзін-өзі қамтамасыз ету мүмкін емес және оған ұмтылу да қажет емес. Бірақ қазіргі біздің нарықтағы жағдай – бұл ұят нәрсе. Сонымен қатар дәстүрлі ұлттық өнімдерді шетелдік нарыққа белсенді түрде ілгерілету қажет. Сол үшін логистика, ветеринарлық және эпидемиологиялық талаптарды ескере отырып, аграрлық экспорттың нақты жоспары жасалуы тиіс. Бұған қоса, сауатты маркетингтік стратегиялар керек. Бұл тек Ауыл шаруашылығы министрлігінің ғана емес, бірқатар мемлекеттік органдардың міндеті, сондықтан үкімет деңгейінде үйлестіру қажет», – деді Тоқаев.
БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
