Бірыңғай жинақтаушы зейнетақы қоры 2026 жылға арналған зейнетақы жинақтарының ең төменгі жеткіліктілік шегін жариялады. Келесі жылғы көрсеткіштер орта есеппен 10%-ға өседі. Қордың түсіндіруінше, бұл өсім қазіргі және болжамды инфляция деңгейіне сәйкес келеді, деп хабарлайды Qaz365.kz.
Жаңа шектер республикалық бюджет туралы заңда бекітілген 2026 жылға арналған әлеуметтік-экономикалық көрсеткіштер негізінде есептелген. Құжатқа сәйкес келесі базалық мөлшерлер белгіленді:
ең төменгі жалақы — 85 000 теңге,
ең төменгі зейнетақы — 69 049 теңге,
ең төменгі күнкөріс деңгейі — 50 851 теңге.
Жеткіліктілік шегі – зейнетақы жинағынан тұрғын үй жағдайын жақсарту немесе емделу үшін мерзімінен бұрын ақша алуға мүмкіндік беретін ең төменгі қалдық сома.
2026 жылға арналған жаңартылған мөлшерлер былайша белгіленді:
20 жастағылар үшін — 3,72 млн теңге,
30 жастағылар үшін — 5,12 млн теңге,
40 жастағылар үшін — 6,72 млн теңге,
50 жастағылар үшін — 8,57 млн теңге,
60–62 жастағылар үшін — 10,7 млн теңге.
