Мұндай ерекше сыйлық компанияның жыл сайын өткізетін дәстүрлі кешкі ас кезінде ойнатылды.
Қытайдың Гуандун провинциясындағы Шэньчжэнь қаласының тұрғынының жолы болды. Бір жылдық ақылы демалысты жеңіп алған оған әріптестері қызыға қарауда, деп хабарлайды Qaz365.kz тілшісі Today Online сайтына сілтеме жасап.
Мұндай ерекше сыйлық компанияның жыл сайын өткізетін дәстүрлі кешкі ас кезінде ойнатылды. Компанияда лауазымды қызмет атқаратын ер адам жеңімпаз атанды. Басында ол бірден сене алмай, кеш жүргізушісінен қайта-қайта анықтап сұрай берді.
Қызметкер демалысты толық пайдалана ма әлде оның орнына тиісті қаржыны ала ма, бұл жағын компания басшылығы қызметкермен өзара талқылап, шешетінін хабарлады.
Айта кетейік, ұтыс ойыны барысында қызметкерлерге жүлделі ұтыстар ғана емес, үйде дайындалған арнайы сусынды ішу немесе даяшының рөлін орындау сияқты әртүрлі күлкілі “жазалар” да дайындалған болатын.
“Жолы болған қызметкер туралы жаңалық Қытайдағы әлеуметтік желілерде тарап кетті, адамдар оны қызу талқылап, пікірлерін қалдырды”, деп жазады басылым.
Көптеген әлеуметтік желі қолданушылары жеңімпазға қызыға қарайтындықтарын айтты. Тіпті кейбіреулері осы компаниядан бос жұмыс орындары туралы сұрастыра бастады. Сондай-ақ, пікір жазушылар ер адам демалысқа кеткенде оның орнына басқа адамды алуы мүмкін екенін де айтып жатты.
