Қазақстандағы орташа жас ұзақтығы – 74,44 жас
Халықтың орташа өмір сүру ұзақтығы – мемлекеттің қаншалықты жайлы екенінің көрсеткіштерінің бірі. Зерттеулер ұзақ өмір сүру үш негізгі факторға негізделетінін көрсетеді: генетика, жыныс және өмір салты, оның ішінде гигиена, диета және жаттығу, мәдениет, сапалы медициналық көмекке қол жетімділік және қылмыс деңгейі. Осы құрамдас бөліктердің көпшілігінде елден елге айырмашылықтарды ескере отырып, дүние жүзіндегі елдердің өмір сүру ұзақтығының әртүрлі болуы таңқаларлық емес, деп хабарлайды Qaz365.kz.
Біріккен Ұлттар Ұйымының мәліметі бойынша, 2023 жылға қарай жаһандық өмір сүру ұзақтығы ерлер үшін 70,8 жасты және әйелдер үшін 76,0 жасты құрап, орта есеппен 73,4 жасты құрады. Өмір сүру ұзақтығы аймақтарға, сондай-ақ елдерге байланысты айтарлықтай өзгереді және 2023 жылы Батыс Африкадағы ең төменгі 57,7 жастан Батыс Еуропадағы ең жоғары 82,7 жасқа дейін ауытқиды.
Денсаулық сақтау министрлігінің мәліметінше, Қазақстандықтардың орташа өмір сүру ұзақтығы 74,44 жасқа жетті.
"Өмір сүру ұзақтығының өсуіне экономиканың дамуы, әлеуметтік әл-ауқат, оның ішінде денсаулық сақтаудың дамуы, сондай-ақ халықтың саламатты өмір салтын ұстануы сияқты факторлар әсер етеді", - дейді ведомстводағылар.
Ал Қазақ тағамтану академиясының президенті Төрегелді Шармановтың пікірінше, шығармашыл, дарынды адамдар ұзақ өмір сүреді.
“Сау ұзақ ғұмыр жасау – жалқау, енжар, өмірге түңіле қарайтын адамдардың үлесіне тимейді, бұл – бірегей ақыл-ой иелерінің, шығармашылық дарынды тұлғалардың, үнемі қарқынды ми шабуылын жүргізетін адамдардың үлесіне тиесілі”, – деп жазды Шарманов Facebook парақшасында.
