Барлығы 22 адам мемлекеттік наградалармен марапатталды
ТЖМ-де Абай облысында табиғи өртті жоюға қатысушыларды мемлекеттік наградалармен салтанатты марапаттау өтті. Қазақстан Республикасының Президенті Қасым-Жомарт Тоқаевтың Жарлығына сәйкес төтенше жағдайлар жөніндегі бірінші вице-министр Ибрагим Күлшімбаев өрт сөндірушілерге, Қазавиақұтқару ұшқышына, Экология және табиғи ресурстар министрлігінің қызметкерлеріне, еріктілерге мемлекеттік наградаларды табыс етті, деп хабарлайды Qaz365.kz тілшісі ведомствоның баспасөз қызметіне сілтеме жасап.
Барлығы 22 адам мемлекеттік наградалармен марапатталды, оның ішінде ҚР ТЖМ-нің 14 қызметкері.
«Шынында да, отқа қарсы күреске қатысқандардың барлығы, осы залда болмаған нағыз батырлар, өз басшыларының ведомстволық наградаларымен марапатталады. Айта кету керек, өртті жоюдың барлық қатысушылары ақшалай сыйлықпен марапатталады. Құрметті әріптестер, өртті жоюға белсенді қатысқаныңыз үшін алғыс айтамын. Сіздерге және Сіздердің жақындарыңызға зор денсаулық пен амандық, Қазақстанымыздың игілігі үшін жұмыста жаңа табыстар тілеймін!» – деп атап өтті бірінші вице-министр.
Естеріңізге сала кетейік, «Семей орманы» МОТ Батпаев орман шаруашылығы аумағындағы орман өрті 2023 жылдың 8 маусымында болды. Өрттің аумағы 60 мың.га құрады. Орман өртін сөндіруге құрамында шамамен 1500 адам және 300-ден астам техника бар ТЖМ, орман шаруашылығы комитетінің, жергілікті атқарушы органдар мен Қорғаныс министрлігінің күштері мен құралдары, еріктілер қатысты. Сондай-ақ өрт майданын аэровизуалды тексеруді және өрт ошақтарына су ағызуды жүзеге асыру үшін 14 тікұшақ тартылды. Өртке қарсы күрес кезінде әуе кемелерімен көлемі 2000 тоннадан асатын 777 су ағызылды.
