Қазақстан Республикасының Заңына сәйкес аударым алушының келісімімен ғана қайтарылады
Егер бөгде адамның шотына қате аударым жасаған болсаңыз, бірден банкке хабарласуыңыз керек.
Әдетте әрбір банктің мұндай жағдайда өз алгоритмдері барын есте ұстаңыз.
Қазақстан Республикасының Заңына сәйкес аударым алушының келісімімен ғана қайтарылады. Ақшаның қате аударымы жайлы хабарлама алған борышкер 7 күн ішінде жәбірленушіге қайтаруға міндетті.
Алайда аударым ерікті әрекет болғандықтан, алушы ақшаны қайтармауы да мүмкін, мұндай жағдайда дереу полицияға не сотқа жүгінуге болады. Егер жауапкердің анықтама деректерін білгіңіз келсе, банктің заңды өкілдеріне ресми өтініш жазып, қажетті ақпаратты ала аласыз.
Азаматтық кодекстің 750-бабына сәйкес, банктен жүргізілген операциялардың кімге және қайда аударылғаны жайлы есеп алуға толық құқыңыз бар. Қате аударым жасаған адамға осылай байланысқа шығып, шотқа жіберілген ақшаны өзара келісіммен сотқа жүгінбей-ақ қолма-қол алуға болады.
Еске сала кетейік, Қазақстан Республикасы Азаматтық кодексінің 953-бабына сәйкес тұлға негiзсiз иеленiп алынған немесе жинақталған мүлiктi жәбірленушіге қайтаруға мiндеттi деп көрсетілген.
