Газа секторын атқылау салдарынан Қазақстан азаматы қаза болды
Газа секторында қаза тапқан орыстілді тұрғындардың екеуі Қазақстан азаматы болып шықты, деп хабарлайды Qaz365.kz.
Бұл туралы РИА Новости жазған болатын. Кейіннен Қазақстанның Сыртқы істер министрлігі де ақпаратты растады.
«22 қазанда Газа секторын атқылау салдарынан Қазақстан азаматы қаза болды. Өкінішке қарай, онымен бірге 23 жастағы қызы да көз жұмды. Қыз Палестина азаматы болатын», – деп мәлім етті СІМ баспасөз қызметі.
Отандасымыз Газа секторында күйеуі – Палестина азаматымен бірге ұзақ уақыттан бері тұрып келген.
Бұған дейін бұқаралық ақпарат құралдарында Израиль әскерінің кезекті соққысы кезінде орыстілді отбасының қаза болғаны туралы ақпарат тараған болатын. Ресей дипломаттары бірден тексеріске кіріскен.
