×

Шетелдік көліктерді заңдастыру қашан басталады

Шетелдік көліктерді заңдастыру қашан басталады
kapital.kz

Ішкі істер министрінің орынбасары Игорь Лепеха шетелдік автокөліктерді заңдастыру бойынша ережелерді түсіндірді, деп хабарлайды Qaz365.kz тілшісі Tengrinews.kz-ке сілтеме жасап.

Айта кетейік, Президент Қасым-Жомарт Тоқаев 2022 жылдың 1 қыркүйегіне дейін әкелінген және Қазақстан Республикасының заңнамасына сәйкес мемлекеттік тіркеуден өтпеген шетелдік автокөліктерді біржолғы заңдастыруды өткізу туралы жариялаған болатын.

"Осы тапсырманы орындау мақсатында бұдан бұрын қажетті заңнамалық өзгерістер енгізілді. 11 қаңтарда Қазақстан Республикасының аумағына 2022 жылғы 1 қыркүйекке дейін әкелінген көлік құралдарының жекелеген санаттарын бастапқы тіркегені үшін алым мөлшерлемесін қолданудың және осындай көлік құралдарын әкелуді жүзеге асырған жеке тұлғаларды өндірушілердің (импорттаушылардың) кеңейтілген міндеттемелерінен босатудың қағидаларын, шарттары мен мерзімдерін бекітті. Ережелер алғашқы ресми жарияланған күнінен кейін күнтізбелік он күн өткен соң қолданысқа енгізіледі, яғни ережелер бүгін жарияланғанын ескере отырып, олар 2023 жылдың 23 қаңтарында күшіне енеді және сол күннен бастап біз шетелдік автокөліктерді заңдастыруға кірісеміз", - дейді Игорь Лепеха ОКҚ брифингінде.

Көрсетілген қағидаларда автомобильдер қандай жағдайларда 200 000 теңге мөлшерінде алым мөлшерлемесін төлей отырып және утиль алымнан босатыла отырып, жария етілуге жататын нақты өлшемшарттар белгіленген.

Ол үшін біріншіден, көлік 2022 жылдың 1 қыркүйегіне дейін елге әкелінуі керек.

Екінші - іздеуде болмауы қажет;

Үшінші - басқа мемлекетте бұрынғы тіркелген жері бойынша есептен шығарылған болуы қажет;

Төртінші - кедендік "тазартудан" өту.

Заңдастыруға өтінішті "Электрондық үкімет" порталы арқылы немесе арнайы ХҚКО-ға жеке жүгіну арқылы беруге болады. Мамандандырылған ХҚКО-ларда арнайы секторлар ұйымдастырылады, олар тек автомобильдерді заңдастыруға құжаттарды қабылдауды жүзеге асыратын болады.

Сондай-ақ, Әкімшілік полиция қызметкері қатысып, жария етуден өту тәртібін және Мемлекеттік кірістер органдарының қызметкері, қажет болған жағдайда кедендік төлемдерді төлеу тәртібін түсіндіреді.

БіздіңTelegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Бөлім жаңалықтары

Желіде шетелде тұратын қазақ ақсақалдарының видеосы тарады
Мемлекеттік органдардың шара қолданбау фактілері анықталды
Бұл жағдай Ішкі істер министрлігінің бақылауында болған

Соңғы жаңалықтар

Барлық жаңалық →