Әлеуметтік көмектің бірнеше түрі көрсетіледі
Whatsapp мессенджерінде алматылық зейнеткерлер 50 мың теңге көлемінде әлеуметтік көмек ала алады деген хабарлама тарап жатыр.
Qaz365.kz редакциясы зейнеткерлердің тағы қандай әлеуметтік көмекті және қандай жағдайда ала алатыны туралы сауал жолдаған болатын. Қала әкімдігінен жауап келді. Шын мәнінде 50 мың емес, төлем түрлері мүлдем бөлек екен.
Әкімдік мәліметінше, қалалық мәслихаттың 2023 жылғы 8 желтоқсандағы №73 «Алматы қаласында әлеуметтік көмек көрсету, оның мөлшерлерін белгілеу және мұқтаж азаматтардың жекелеген санаттарының тізбесін айқындау қағидаларын бекіту туралы» шешіміне сәйкес әлеуметтік көмектің мынадай түрлері көрсетіледі.
1. жарты жылда бір рет 7 айлық есептік көрсеткіш (25 844 теңге) мөлшерінде әлеуметтік көмек отбасының бір мүшесіне шаққандағы табысы үш ең төменгі күнкөріс деңгейінен (156 408 теңге) аспайтын азаматтардың санаттарына беріледі:
- зейнеткерлік жасқа толған зейнеткерлерге;
- созылмалы бүйрек жеткіліксіздігінен зардап шегетін бірінші топтағы мүгедектерге;
2. өмірлік қиын жағдай туындаған кезде бір адамға есептегенде жан басына шаққандағы орташа табыс екі еселенген күнкөріс минимумынан (104 272 теңге) аспаса, 20 айлық есептік көрсеткіш (73 840 теңге) мөлшерінде біржолғы әлеуметтік көмек;
3. ыстық және (немесе) суық сумен, газбен жабдықтауды есепке алудың жеке аспаптарын сатып алу, орнату немесе тексеру шығындарын өтеуге әлеуметтік көмек жан басына шаққандағы орташа табысы бір аспап үшін 3,4 айлық есептік көрсеткіштен аспайтын мөлшерде ең төменгі күнкөріс деңгейінің үш еселенген мөлшерінен аспайтын төмендегі азаматтарға ұсынылады;
4. жан басына шаққандағы орташа табысы күнкөріс деңгейінің үш еселенген мөлшерінен аспайтын, шығыстардың 100% мөлшерінде, бірақ үш нүктеден аспайтын жеке тұрғын үйдің меншік иесіне жалпы тармақтан тұрғын үйге дейінгі газ жабдығын жүргізу және орнату шығындарын өтеуге әлеуметтік көмек.
Әлеуметтік көмектің осы түрлерін тағайындау үшін аудан әкімі аппаратының жұмыспен қамту және әлеуметтік бағдарламалар бөліміне (мекенжайлары www.gov.kz сайтында орналастырылған) тұрғылықты жерін тіркеу орны бойынша өтінішті мынадай құжаттармен ұсыну қажет:
1) жеке басын куәландыратын құжат;
2) адамның (отбасы мүшелерінің) табысы туралы мәліметтер;
3) өмірлік қиын жағдайдың туындағанын растайтын акт және/немесе құжат.
Алматы қаласы бойынша 2024 жылдың 1 тоқсанына ең төменгі күнкөріс деңгейі 52 136 теңге.
5. санаторлық-курорттық емделуге әлеуметтік көмек мемлекеттік базалық зейнетақы төлемін есептемегенде алынатын зейнетақы мөлшерінің 25%-ын төлей отырып, жан басына шаққандағы орташа табысы үш еселенген ең төменгі күнкөріс деңгейінен аспайтын зейнеткерлерге көрсетіледі.
Санаторий-курорттық емделуге заттай түрде әлеуметтік көмек алу үшін өтініш беруші аудан әкімі аппаратының жұмыспен қамту және әлеуметтік бағдарламалар бөліміне (тұрғылықты жері бойынша) жүгінуге және өтінішті мынадай құжаттармен қоса беруге құқылы:
1) жеке басын куәландыратын құжат;
2) «Денсаулық сақтау саласындағы есепке алу құжаттамасының нысандарын, сондай-ақ оларды толтыру жөніндегі нұсқаулықтарды бекіту туралы» Қазақстан Республикасы Денсаулық сақтау министрінің міндетін атқарушының 2020 жылғы 30 қазандағы №ҚР ДСМ-175/2020 бұйрығымен бекітілген № 068/у нысанындағы санаторий-курорттық емделуге жолдама алу үшін анықтама;
3) зейнетақы мөлшері туралы құжат;
4) адамның (отбасы мүшелерінің) табыстары туралы мәліметтер.
Бұған қоса, коммуналдық қызметтерге тарифтердің көтерілуіне байланысты азаматтардың жекелеген санаттарына, оның ішінде зейнеткерлерге ай сайын 2023 жылғы шілдеден бастап 2023 жылғы қазанға дейін 0,5 айлық есептік көрсеткіш (1725 теңге) мөлшерінде, 2023 жылғы қарашадан бастап 0,6 АЕК (2070 теңге, ал 2024 жылдан 2216 теңге) мөлшерінде әлеуметтік көмек көрсетіледі. Оны алу үшін Алматы қаласы әкімі аппаратының Жұмыспен қамту және әлеуметтік бағдарламалар бөлімдеріне өтініш беру қажет.
Сонымен қатар аудан әкімдерінің аппараттарымен Алматы қаласы мәслихатының 2014 жылғы 2 маусымдағы №232 шешімімен бекітілген Алматы қаласында тұрғын үй көмегінің мөлшерін айқындау және көрсету қағидаларының негізінде кондоминиум нысанын басқаруға және кондоминиум нысанының ортақ мүлкін күтіп-ұстауға, оның ішінде кондоминиум нысанының ортақ мүлкін күрделі жөндеуге, коммуналдық қызметтер мен байланыс қызметтерін тұтынуға жұмсалатын шығыстарды өтеу үшін телекоммуникация желісіне қосылған телефон, мемлекеттік тұрғын үй қорынан тұрғын үйді және тұрғын үйді пайдаланғаны үшін абоненттік төлемақыны ұлғайту, жалға алынған жергілікті атқарушы орган жеке тұрғын үй қорынан тұрғын үй көмегін көрсетеді. Ол отбасы бюджетінде жоғарыда аталған қызметтерге ақы төлеуге арналған шығын отбасының жиынтық табысының 5 пайыздық үлесінен асатын жағдайда ұсынылады.
Тұрғын үй көмегін тағайындау үшін тұрақты тұрғылықты жері бойынша «Азаматтарға арналған үкімет «мемлекеттік корпорациясы» КЕАҚ-ға өтінішпен жүгініп, мынадай құжаттарды ұсыну қажет:
1) өтініш берушінің жеке басын куәландыратын құжат (түпнұсқасы жеке басын сәйкестендіру үшін ұсынылады);
2) аз қамтылған отбасының табысын растайтын құжат. Тұрғын үй көмегін алуға үміткерді отбасының (Қазақстан Республикасы азаматының) жиынтық табысын есептеу тәртібін тұрғын үй қатынастары саласындағы уәкілетті орган айқындайды;
3) зейнетақы аударымдары туралы анықтама (тиісті мемлекеттік ақпараттық жүйелерден алынатын мәліметтерді қоспағанда);
4) жұмыс орнынан анықтама не жұмыссыз адам ретінде тіркелгені туралы анықтама;
5) балаларға және басқа да асырауындағы адамдарға арналған алименттер туралы мәліметтер;
6) банктік шот;
7) кондоминиум нысанын басқаруға және кондоминиум нысанының ортақ мүлкін күтіп-ұстауға, оның ішінде кондоминиум нысанының ортақ мүлкін күрделі жөндеуге ай сайынғы жарналар туралы шоттар;
8) коммуналдық қызметтерді тұтынуға арналған шоттар;
9) телекоммуникация қызметі үшін түбіртек-шоттар немесе байланыс қызметін көрсетуге арналған шарттың көшірмелері;
10) мемлекеттік тұрғын үй қорынан тұрғын үйді және жеке тұрғын үй қорынан жергілікті атқарушы орган жалдаған тұрғын үйді пайдаланғаны үшін шығыстар туралы шоттар.
