Зардап шеккен өңірлерге гуманитарлық көмек жеткізілуде
Су тасқыны басталғалы бері 75982 адам құтқарылды. Оның ішінде 18681 бала бар, хабарлайды Qaz365.kz.
Бұл туралы Орталық коммуникациялар алаңында өткен брифингте ТЖМ Азаматтық қорғаныс және әскери бөлімдер комитетінің аға офицері Ерасыл Сайпаш айтты.
«Эвакуациялық орындарда 7 мыңнан астам адам, оның ішінде 2794 бала орналастырылды. 70 мыңға жуық жануар қауіпсіз жерге айдалды», - деді Ерасыл Сайпаш.
Оның сөзінше, тартылған әуе кемелерімен 2811 адам, оның ішінде 865 бала құтқарылды.
Зардап шеккен өңірлерге 126 мың гуманитарлық көмек жеткізілді.
