Өзгеріс тамыз айынан бастап күшіне енеді
Денсаулық сақтау министрлігі тамыз айынан бастап баланың денсаулық паспортын электронды форматқа көшіруде, деп хабарлайды Qaz365.kz.
Бұл медициналық қызметтерді цифрландыру бойынша жұмыстың шеңберінде жасалады. Ата-аналар бұл құжатты бірінші сыныпқа түскен кезде міндетті түрде мектепке ұсынады, жыл сайын 380 мыңнан астам бала мектеп табалдырығын аттайды.
«Құжатты қағаз жүзінде жүргізу оның жоғалуына немесе өзекті деректерді жоғалтып алуға, емханаларда ұзақ күтуге соқтырады. Осы проблемаларға жауап ретінде Денсаулық сақтау министрлігі Оқу-ағарту министрлігімен бірлесіп, баланың денсаулық паспортын электрондық форматқа ауыстыруға кірісті.
Денсаулық сақтау министрлігінің ақпараттық жүйелерін тестілеу кезінде баланың 72 электрондық денсаулық паспорты (052-2/е нысаны) қалыптастырылды. EGov Mobile-мен электрондық паспортты интеграциялау процесінің аяқталуының жоспарланған күні - 2024 жылғы тамыз», - деп хабарлады министрлік.
