Жұмыс 2024 жылдың мамырында басталып, шілдеде аяқталды
Алматының Медеу ауданында «Халық қатысатын бюджет» бағдарламасы бойынша ауланы абаттандыру жұмыстары аяқталды, деп зхабарлайды Qaz365.kz.
Жоба Бәрібаев көшесі, 17-үй – Гоголь көшесі, 13-үй мекенжайы бойынша жүзеге асырылып, тұрғындардың ауданды қалай жақсартуға болатынына үлгі болды.
Тұрғындардың негізгі сұранысы ауланы көгалдандыруға қатысты болды. Жаңа алаңға ағаш, бұталар отырғызылды, гүл бағы жасалып, шағын сәулет нысандары орнатылды, орындықтар мен қоқыс жәшіктері жаңартылды. Қауіпсіздікке ерекше назар аударылады — алаңның жаңа жабыны балаларды жарақаттан қорғайды, футбол алаңы жаңа жасанды жабынмен жабылған.
Жұмыс 2024 жылдың мамырында басталып, шілдеде аяқталды. Алаң қазірдің өзінде таңғы жаттығу мен отбасылық көкке шығу үшін қолданылады. Медеу ауданының тұрғыны Елена Николаева осы жобаның авторы. Ол бүгін жаңартылған кеңістік ауданның қоғамдық өмірінің орталығына айналғанын айтты.
«Мен әрқашан балалар көңілді әрі қауіпсіз уақыт өткізетін орын жасауды армандайтынмын. ХҚБ бағдарламасы мен жергілікті тұрғындардың қолдауының арқасында осы арманым орындалды», – деді Елена Николаева.
Медеу ауданында «Халық қатысатын бюджет» жобасы бойынша биыл барлығы 34 жоба жүзеге асырылып жатыр, оның 20-сы аула аумағы, 7-еуі скверді абаттандыру және 7-еуі автоматты суару жүйесі. Оларды жүзеге асыру үшін Алматы әкімі Ерболат Досаевтың тапсырмасымен биыл осы бағдарлама бойынша қаржыландыру 2 млрд теңгеге дейін ұлғайтылды.
