Йод тапшылығы аурулары – организмге йодтың жеткіліксіз түсуіне байланысты қалқанша безінің функциясының бұзылуына байланысты ағзаның патологиялық жағдайы болып саналады
Түркістан облысы, Сауран ауданына қарасты Бабайқорған ауыл округі ауруханасының жалпы медбикесі Айкен Сейткарым йод тапшылығы аурулары балалардың интеллектуалды дамуының кешеуілдеуіне әсер ететінін айтты, деп хабарлайды Qaz365.kz.
Йод тапшылығы аурулары – организмге йодтың жеткіліксіз түсуіне байланысты қалқанша безінің функциясының бұзылуына байланысты ағзаның патологиялық жағдайы болып саналады. Сондай-ақ туа біткен деформациялардың жиілігінің жоғарылауына, нәресте өлімінің жоғарылауына, неврологиялық бұзылуларға алып келеді. Йод тапшылығының алғашқы белгілеріне есте сақтау қабілетінің нашарлауы, летаргия, ұйқышылдық белгілерінің пайда болуымен белгілі болады. Йод жетіспеушілігінің негізгі көрінісі-эндемиялық зоб, яғни қалқанша безінің ұлғаюы.
«Біздің денеміз йод шығармайды, сондықтан йод көзі тамақ болып табылады. Ересек адам үшін йодты тұтыну мөлшері тәулігіне 150-200 микрограммды құрайды. Жүкті және емізетін әйелдерде қажеттілік 200-300 мкг дейін артады. Әлемдік тәжірибе көрсеткендей, йод тапшылығы жағдайларының алдын - алуды қол жетімді және қолайлы әдіспен шешуге болады. Яғни, халықтың сапалы йодталған тұзды, тамақ өнімдерін күнделікті тұтынуы маңызды. Йодтың жоғары концентрациясы теңіз балықтары мен теңіз өнімдерінде болады, әсіресе йодқа бай теңіз балдырлары. Олардың ішіндегі ең танымалы-теңіз қырыққабаты. Балық майында да йод өте көп. Тәулігіне 6 грамнан аспайтын мөлшерде йодталған тұзды күнделікті тұтыну адам ағзаның күнделікті физиологиялық қажеттілігін өмірлік маңызды микроэлементтермен қанағаттандырады. Тұз-бұл тағамға арнайы өңдеусіз қосылатын жалғыз минерал. Йодталған тұз-бұл дәрі емес, тамақ, бұл профилактикалық өнім. Йодталған тұзды тұтынуға кеңес береміз», – деді маман.
