Баку, Алматы және басқа қалаларға бірнеше рейстің ұшуы да кейінге қалдырылды
Ақтау әуежайында рейстер кешіктіріліп жатыр. Мысалы, Атырау-Ақтау бағыты бойынша FlyArystan әуе компаниясының жолаушылары екі тәуліктен бері ұша алмай, әуежайда қалып отыр, деп хабарлайды Qaz365.kz.
Әуе компаниясының Атырау-Ақтау бағытындағы KC7277 рейсін ауа райына байланысты кейінге қалдырғаны белгілі болды.
Рейс 2 қараша күні сағат 21:50-де ұшып шыққан, бірақ ұшақ қона алмады. Одан кейін 3 қарашада сағат 06:50-де орындалды, бірақ Ақтаудағы қолайсыз ауа райына байланысты ұшақ тағы да Атырауға қайта оралды.
Әуежайдың онлайн-дисплейінде Атырау, Баку, Ыстамбұл және Астраханнан кемінде төрт рейстің кешігіп жатқаны көрсетілген.
Баку, Алматы және басқа қалаларға бірнеше рейстің ұшуы да кейінге қалдырылды.
Ақтау халықаралық әуежайының баспасөз қызметі өкілдері кешігулер Ақтау әуежайындағы ауа райы жағдайына, атап айтқанда, тұманға байланысты екенін айтты. Жолаушыларға әуе компаниясының кешігуі туралы алдын ала хабарланған.
Қазір ұшу-қону жолағында көру мүмкіндігі жақсарды. Ұшу және ұшып кету кестеге сай жоспарланған. Кешіктірілген рейстегілерге қызмет көрсетіледі, - делінген хабарламада.
