Таиланд корольдігінің Чиангмай қаласында өтіп жатқан бокстан Азия чемпионатында қазақстандық боксшы Махмұд Сабырхан жартылай финалға шықты, деп хабарлайды Qaz365.kz.
Ол ширек финалда Шри-Ланка өкілі Джаятнатх Кумаримен кездесті. Жерлесіміз екінші раундта қарсыласын бірнеше мәрте нокдаунға түсіргесін, төреші жекпе-жекті тоқтатты. Осылайша қазақстандық боксшы жартылай финалға жолдама алды.
8 желтоқсан күні өтетін жартылай финалдағы Махмұдтың қарсыласы - Таиланд боксшысы.
Айта кетейік, ол бұған дейін тайпейлік Лаи Ян-Линді бірінші раундта-ақ үш рет нокдаунға түсірді.
