Осыған дейін спортшының Қазақстан азаматтығынан бас тартып, Моңғолия азаматтығына өтініш бергені туралы ақпарат тараған
Туризм және спорт министрі Ербол Мырзабосынов дзюдошы Галбадрах Отгонцэцэгтің мәселесіне қатысты пікір білдірді, деп хабарлайды Qaz365.kz.
Ербол Мырзабосынов дзюдошы спортшы ретінде және бапкер ретінде біздің спортшыларға серпін бергенін айтады.
«Әлем аренасында табысты өнер көрсетіп жүр. Біз федерациямен сөйлестік. Спортшының отбасы, түп-тамыры Моңғолияда. Спортшы енді өз құрамасымен жұмысын жалғастырады. Мұндай тәжірибелер бар. Басқа елден тартылатын спортшылар жөнінде бұрын да мәселелер көтерілген. Алдағы уақытта біз отандық спорт мектебінің спортшыларымен жұмыс істейміз. Енді өз кадрларымызды дайындаймыз», – дейді Ербол Мырзабосынов.
Министр Галбадрах Отгонцэцэгтің келісімшарт бойынша жұмысын толық атқарғанын айтты.
