Медальдің бірін Қазақстан құрамасы фристайл-акробатикадан алса, бірін жекелей сында Шаңғы жарысынан алдық
Бүгін Қытайдың Харбин қаласында өтіп жатқан 2025 жылғы Азия ойындарында ел қоржынына екі бірдей жүлде түсті, деп хабарлайды Qaz365.kz.
Бұл туралы ҚР Ұлттық Олимпиада комитеті мәлімдеді.
- “Алғашқы күміс жүлдені Қазақстан құрамасы фристайл-акробатикадан салды. Біздің спортшылар аралас командалар арасындағы сайыста екінші орынға ие болды. Бұл бағдарламада ел намысын Аяна Жолдас, Шерзод Хаширбаев және Асан Асылхан қорғады.Қорытынды есепте қазақстандық спортшылар 235,39 ұпай жинап, осы көрсеткіш оларға күміс медаль алып келді. Бірінші орынды Қытай иеленсе, Жапония үшінші орынға тұрақтады.
- Ал екінші қола медальды Шаңғы жарысынан Қазақстан құрамасының өкілі Олжас Климин алып берді. Қазақстандық спортшы 10 шақырымдық еркін стильдегі жарыста ел намысын сәтті қорғады. Климиннің мәреге жеткен уақыты – 21:20.3. Жеңісті жапониялық Харуки Ямашита (21:06.5) иеленсе, оның командаласы Такацуга Уда (21:16.5) екінші орынға тұрақтады”, – делінген ҰОК хабарламасында.
Қазіргі уақытта Қазақстан Азия ойындарының жалпы командалық есепте 9 медаль жиынтығымен 4-орында.
