Олар Манчестер қаласындағы жаттығу жиынына қатысуға мүмкіндік алған
Танымал клубтарды Абу-Даби төрінде жеңген жас чемпиондарды елорда әуежайынан ата-аналары мен достары күтіп алды, деп хабарлайды Qaz365.kz.
Павлодарлық «RB Arman» командасы Абу-Дабиде өткен халықаралық кубокты жеңіп алған болатын.
Олар 22 елден келген 36 команда арасында үздік болып шықты.
Топтық кезеңде олар «Ювентус»-ты 5:0 есебімен жеңіп, финалда «Манчестер Сити» құрамасын жеңді.
Павлодар облысы әкімі Асаин Байханов Instagram-да чемпиондарды құттықтап, Қазақстан футболының болашағы осындай дарынды спортшыларда деп атап өткен.
Халықаралық турнирде ерекше қабілетімен көзге түскен өрендер алдағы уақытта Манчестер қаласындағы жаттығу жиынына қатысуға мүмкіндік алды.
