Біз жанкүйерлерді қуанттық деп ойлаймын
Футболдан 2024 жылғы Еуропа чемпионатының іріктеу кезеңінде Қазақстан құрамасы өз алаңында Дания құрамасын 3:2 есебімен жеңіп, сенсация жасады. Ойынның 89-минутында жеңіс голын соққан Абат Айымбетов матчтан кейін тілшілердің сұрағына жауап берді, деп хабарлайды Qaz365.kz тілшісі.
Тағы оқыңыз: Асхат Тағыберген: Соққан голымды марқұм әкеме арнаймын
«Өте қуаныштымын. Данияны күнде ұта бермейсің. Осындай тарихи сәт қуантады, әрине. Футболға келген жанкүйерлерге көп рахмет. Алғысым шексіз! Біз оларды қуанттық деп ойлаймын. Үміт үзбеу керек, сену керек. Біз жеңетінімізге сендік. Әрине, 1-тайм ойдағыдай болмады. Бапкердің кеңесімен 2-таймда басымдыққа ие болып, жеңіске жеттік деп ойлаймын», - деді Абат Айымбетов.
Тағы оқыңыз: Магомед Адиев: Жауапкершілікті өз мойныма аламын, жігіттерге тек ойнаңдар деп айттым
Енді Қазақстан алдағы ойынын 16 маусымда сырт алаңда Сан-Мариноға қарсы өткізеді.
Бүгін Н тобында, сондай-ақ Словения - Сан-Марино, Солтүстік Ирландия - Финляндия құрамалары кездеседі.
