Мемлекет басшысы Қасым-Жомарт Тоқаев еліміздің мақтанышы, әлемге танымал аралас жекпе-жек шебері Шавкат Рахмоновты ІІ дәрежелі «Барыс» орденімен марапаттады, деп хабарлайды Qaz365.kz.
Президенттің айтуынша, спортшы Қазақстанның атын жаһанға танытып, ел абыройын асқақтатып келеді.
– «ІІ дәрежелі «Барыс» орденімен даңқты спортшы Шавкат Рахмонов марапатталады. Ол еліміздің атын шет мемлекеттерге танытып, мерейін үстем ету жолында тер төгіп жүр. – делінген Мемлекет басшысының құттықтауында.
Шавкат Рахмонов – аралас жекпе-жектегі (UFC) ең табысты қазақстандық спортшылардың бірі.
1994 жылы Өзбекстанның Термез қаласында дүниеге келген спортшы бала кезінен Қазақстанда өсіп, кәсіби мансабын осында қалыптастырды. Ол панкратион, ММА және жекпе-жек самбосынан спорт шебері, бұрынғы M-1 Global чемпионы.
Шавкат Рахмонов кәсіби мансабында 19 жекпе-жектің бәрінде жеңіске жеткен. Оның 18-і мерзімінен бұрын (нокаут немесе сабмишнмен), ал соңғысы төрешілер шешімімен аяқталған.
